De Kahong Isipan

Makitid pa sa tingting,
Ang iyong isipan
Mababaw ka pa;
Mahirap paliwanagan.

Nakakapikon kadalasan,
Ang iyong de kahong isipan

Ang mga radikal,
Sa iyo ay mga hangal
Pilit ikinukulong;
Inaalisan ng dangal


Paano ka mamahalin,
Paano ka susundin
Kung utos mo,
Iyo ring baliin?

Nakakapikon kadalasan,
Ang iyong de kahong isipan

Saan nga ba hahantong
Ang lason sa iyong sarong?
Kailan mabubuksan,
Isipan mo sa kalawakan?